A 'ITV' dos edificios galegos con máis de 50 anos de vida entrará en vigor este maio

|

O informe obrigatorio para constatar o estado dos edificios con máis de medio século de vida arrincará o próximo mes.


Os concellos poderán definir un calendario para que os propietarios presenten o informe técnico.


Santiago de compostela zon avella

Zona Vella de Santiago de Compostela | Foto: EP


O informe de avaliación do estado dos edificios, a denominada 'ITV' dos inmobles residenciais e que será obrigatoria para aqueles que teñan máis de 50 anos, comezará a funcionar o próximo mes de maio, cando entrará en vigor o decreto que regula a creación deste documento de inspección que velará polo correcto estado de conservación das construcións antigas.


O Diario Oficial de Galicia (DOG) publica este martes o decreto polo que se crea, ademais do informe de avaliación do edificio (IAE), o rexistro no que deberán figurar as inspeccións técnicas dos inmobles residenciais de máis de 50 anos.


Deste xeito, os propietarios destes inmobles terán un prazo (pendente de definir pola Xunta) para encargar e elaborar o informe, do que quedan excluídos os edificios que conten cunha declaración firme de ruína.

Así mesmo, os concellos poderán establecer un calendario para a presentación gradual destes informes que, coa entrada en vigor desta nova normativa aprobada en Consello de la Xunta a comezos de abril, velará polo correcto estado de conservación dos inmobles residenciais.


Segundo as cifras ofrecidas hai dúas semanas tras recibir o visto e prace do Executivo galego para a creación desta 'ITV' para edificios, estímase que son uns 120.000 os inmobles de uso residencial de máis de 50 anos e que, a partir de maio, terán que pasar un exame acerca do seu estado de conservación, o cumprimento da normativa sobre accesibilidade e o seu grao de eficiencia enerxética. O informe tedrá unha validez por un período de 10 que, transcorrido ese tempo, deberá ser renovado.


CALENDARIOS MUNICIPAIS

O decreto dá a opción aos concellos que o desexen de elaborar un calendario para a presentación dos IAE naqueles inmobles que xa cumprisen 50 anos ou máis. Con todo, deberán cinguirse a uns prazos, pois non poderá excederse o ano desde a entrada en vigor da normativa para os edificios catalogados e tres anos como máximo para o resto de edificios.


No caso daqueles inmobles que aínda non alcanzasen o medio século, o IAE terá que levar a cabo dentro dun prazo máximo dun ano desde o momento en que se cumpran os 50 anos ou o mínimo establecido pola normativa municipal.


EXCLUSIÓNS

Da presentación deste informe quedan exentos aqueles inmobles que conten cunha declaración firme de ruína e os que dispoñan dun certificado de inspección técnica de edificación (ITE). Estes últimos só deberán completar a parte do estudo destinada á accesibilidade e a eficiencia enerxética, segundo concreta o Executivo autonómico.


No caso de edificios catalogados ou declarados Bens de Interese Cultural (BIC), o informe de inspección conta cun persoal específico na que figurará a súa data de inclusión no catálogo ou momento da declaración, ademais dunha listaxe sobre a conservación dos elementos protexidos.


FIXACIÓN DA IDADE DO INMOBLE

Así as cousas, o decreto establece seis mecanismos para fixar a idade dun inmoble, que poderá acreditarse a través do certificado final de obra, a licenza de primeira ocupación, as escrituras acreditativas de final de obra, a cédula de cualificación definitiva como vivendas protexidas, o certificado castastral e, por último, "calquera outro medio de proba admisible en dereito ou estimación técnica".


No caso dos edificios que foran sometidos a rehabilitación integral, a data será estimada a partir do final das obras de reforma. Para a realización destes informes, que terán que elaborarse nun prazo máximo dun ano desde que o edificio cumpra 50 anos, o Instituto Galego de Vivenda e Solo (IGVS) habilitará dúas aplicacións informáticas coas que pretende facilitar estes trámites a concellos e propietarios.


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress