Confirmado a relación entre AstraZeneca e os trombos, indica un cargo da Axencia Europea do Medicamento

|

A EMA aínda non tomou unha decisión sobre esta marca de vacinas contra o coronavirus, pero hoxe mesmo está prevista unha reunión respecto diso


Marco Cavaleri, o xefe de estratexia de vacinas da Axencia Europea de Medicamento (EMA), confirmou que hai un vínculo entre o preparado de AstraZeneca e os casos de tromboses: "Agora podemos dicilo, está claro que hai un vínculo coa vacina", afirmou. 


Cavaleri EMA


Cavaleri nunha imaxe de eswi.org


Segundo explicou Cavaleri ao xornal italiano Il messagero, descoñécese "que provoca esta reacción. Aínda non o sabemos. Nas próximas horas diremos que 'existe un vínculo", pero aínda temos que entender como sucede. 


O Comité de Avaliación de Riscos de Farmacovigilancia (PRAC), o responsable de monitorear e avaliar a seguridade dos medicamentos de uso humano autorizados pola EMA, ten programadas reunións desde este martes ata o vindeiro venres. Espérase que informe da súa avaliación actualizada sobre a seguridade de AstraZeneca tras algún destes encontros. 


Segundo o último comunicado, o PRAC non descartou a relación causa-efecto, pero tampouco atopou evidencias claras dun vínculo entre AstraZeneca e os casos de tromboses. Agora parece que, tras o avance das investigacións, a axencia rectificará. 


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress