A investigación polo 'Caso Fuenlabrada' "abandona Galicia" e pasa a mans dun xulgado madrileño
O caso abandona os xulgados da Coruña ao considerar que a investigación debe centrarse en por que o club abandonou Madrid e con que permisos.
Expedición do Fuenlabrada | Foto: EP
O Xulgado de Instrución número 6 da Coruña entende que a investigación sobre o desprazamento realizado en xullo do ano pasado por o Club de Fútbol Fuenlabrada á Coruña para disputar un partido de LaLiga ha de centrarse "nas circunstancias que rodearon a decisión última de permitir a expedición" tras dar positivo en coronavirus o médico, o fisioterapeuta e o analista de vídeo do club.
Por iso, segundo informa o Tribunal Superior de Xustiza de Galicia (TSXG) en base ao auto ditado polo seu titular, inhibiuse a favor dos xulgados de Fuenlabrada.
Faio ao considerar que a decisión de viaxar á Coruña foi adoptada o 19 de xullo do ano pasado "por LaLiga, asesorada por un laboratorio médico, coa conformidade do Fuenlabrada, sen comunicación nin intervención de ningunha outra instancia deportiva ou sanitaria".
A maxistrada subliña no auto, contra o que cabe presentar recurso, que a posible imprudencia determinante dun resultado lesivo á que se puidese atribuír relevancia penal "ten que ver coas decisións adoptadas o día 19 de xullo de 2020".
"Que afectaban a unha expedición que continuou desenvolvendo a súa actividade profesional con normalidade desde que se coñecese o primeiro positivo, sen que resultasen contaxiadas neste partido xudicial (A Coruña) persoas alleas á expedición", argumenta.
Escribe o teu comentario