Covid por concellos: a cidade de Vigo e a súa área debuxan unha moi mala tendencia, mentres as demais melloran

A análise xeográfica dos últimos datos do SERGAS, atendendo á incidencia acumulada semanal indica que Galicia segue perdendo casos activos pero a tendencia é cada vez máis e máis débil. 

Das cidades só rebota Vigo, con 18 casos máis en 24 horas, mentres que Ourense e Lugo, segundo os datos a nivel semanal, atópanse con menos de dez casos. Todas as áreas, salvo a olívica, decienden. 

Das cidades, A Coruña, Ferrol, Santiago de Compostela e Vigo atópanse no nivel laranxa con unha incidencia semanal de entre 75 e 25 casos por cada 100.000 habitantes, mentres que Pontevedra conta con unha incidencia de entre 25 e 10 casos por cada 100.000 habitantes. No outro lado da balanza atópanse Ourense e Lugo, cunha incidencia por baixo da decensa de casos por cada 100.000 habitantes. 

De feito, a cidade amurallada e a cidade termal caen por baixo da decena de casos segundo a última actualización da Xunta. A Coruña lidera os descensos, cunha variación de 18 casos menos, seguida de Pontevedra, con sete menos, Santiago, con tres menos, e Ferrol, con dous menos. En cambio, Vigo afianza o seu empeoramento, coa friorenta de 18 casos máis, o maior salto da xornada en toda a comunidade.

Concello a concello, o maior cambio apreciámolo en Baiona, con tres máis, mentres que Cambre e Redondela suman un máis desde onte. En descensos destaca Arteixo, que pasa dos 17 de onte a estar hoxe por baixo da decena de casos. Moaña perde tres, como Sanxenso, mentres que Culleredo, Oleiros e Marín perden un caso.

DATOS POR ÁREAS

Nas áreas sanitarias viviamos unha nova xornada de descenso xeneralizado, coa condición da área de Vigo, que suma 22 casos máis desde onte. Pese ao descenso dos casos activos no conxunto da comunidade, a viguesa, que onte detectou medio centenar de novos contagios, crece, cunha positividade do 3,4%. 

Pontevedra é a única que lanza unha positividade por encima do 5% que marca a OMS ata o 5,5% despois de rexistrar unha decena de novos casos. Con todo, baixa en nove casos activos menos desde onte. Tamén decrece en nove casos activos a área de A Coruña, que conta cunha positividade do 3,8%, despois de anotar 45 novos contagios.

Ferrol e Santiago de Compostela baixan en 19 e 16 casos activos menos en 24 horas, respectivamente, e son as que mostran os maiores descensos. A área departamental apenas computou tres novos contagios, por nove na área da capital. A positividade, con todo, é maior na ferrolá: 2,1%, polo 1,4% que lanza a santiaguesa.

Lugo e Ourense seguen sendo as áreas con mellores cifras, a pesar de que hoxe son as que ofrecen un menor descensop: dez casos menos na lucense; cinco menos na ourensá. A positividade é do 1,3% na área de Lugo, que anotou unha quincena de novos contagios, mentres que a área auriense, con só cinco novos positivos, conta cunha positividade do 2,2%. 

Segundo os datos das notas de prensa do SERGAS, este sábado 27 de marzo o número de casos activos de coronavirus en Galicia é de 2.357, dos cales 891 son da área da Coruña, 167 de Lugo, 145 de Ourense, 206 de Pontevedra, 537 da área de Vigo, 254 de Santiago e 157 de Ferrol.