A Policía Local galega comezará a súa vacinación a próxima semana

Unha vez renovada a campaña de vacinación en Galicia con todas as garantías sanitarias, os axentes da Policía Local dos Concellos galegos empezarán a vacinarse a semana próxima.

Con todo, o atraso na chegada das vacinas, pode provocar demoras no proceso de vacinación.

Axentes da Policía Local | Foto: EP

A vacinación dos membros da Policía Local dos diferentes concellos galegos comezará a próxima semana, segundo vaian chegando as doses das vacinas que nos últimos días experimentaron varios atrasos.

Así, segundo informou a Vicepresidencia Primeira da Xunta, o Sergas depura agora as listaxes recibidas destes colectivos e, unha vez recibidos, poderanse recuperar as xornadas perdidas no proceso de vacinación, dado que é "a mellor garantía para a saúde individual e a mellor maneira de volver canto antes á normalidade".

Actualmente estase vacinando aos grupos nos que xa se iniciou o proceso e a semana que vén está previsto empezar con este colectivo, aínda que o ritmo de vacinación estará condicionado polas doses que reciba a Comunidade galega nas próximas semanas.

Os criterios do plan de vacinación foron consenuados no Consello Interterritorial do Sistema Nacional de Saúde e o Plan galego de vacinación fronte á covid-19 se adaptou a estes criterios, nos que quedou establecido a orde de priorización dos distintos colectivos, lembra Vicepresidencia.