​Os celadores galegos protestan este 25 de marzo pola equiparación salarial e o valor das súas funcións

A 'Plataforma Recoñecemento para o celador xa!' convoca a todos os profesionais a manifestarse este xoves 25 de marzo ante o Complexo Hospitalario Universitario de Ourense (CHUO).

Desde o colectivo reivindican o recoñecemento da súa profesión e denuncian a necesidade de consumar algunhas das súas denuncias.

Manifestación de celadores galegos | Foto: EP

A equiparación salarial, a actualización das súas funcións ou unha formación regrada para os profesionais do sector son algunhas das demandas do colectivo, que expoñerán este xoves ás 12 horas para visibilizar a importancia do seu labor.

“Volvemos ás concentracións nas portas dos hospitais e centros de saúde. Non paramos de loitar e traballar, seguimos adiante por aquilo que cremos xusto”, anuncian desde a organización. Neste tempo de pandemia, as súas protestas lograron que os celadores fosen considerados persoal esencial despois de que ao principio da crise sanitaria non gozasen desa condición, a pesar de ser os primeiros en ter contacto cos pacientes.

Tanto a Asociación de Celadores Galegos (AceG) como a 'Plataforma Recoñecemento para o Celador xa!' súmanse ás protestas deste 25 de marzo. “Os obxectivos de ambas as entidades son comúns, polo que ten sentido que esteamos xuntos no mesmo barco. A unión fai a forza”, manifestan desde o gremio.