Covid municipios: A melloría párase en Vigo polo brote no Cunqueiro e A Coruña lidera os descensos

O mapa da incidencia acumulada semanal por municipios de Galicia mostra que o verde da nove normalidade comeza a expandirse timidamente pola franxa costeira. Domina xa A Mariña case por completo e empeza a ter presenza e comarcas como Arousa ou A Costa da Morte.

Aínda que a situación do rural é, en termos xerais, mellor que a das cidades, os niveis máis extremos están en municipios non urbanos, onde unha ducia de casos bastan para disparar a incidencia acumulada. 

É o caso de Silleda, onde o brote na residencia de anciáns municipal elevou a incidencia por encima de 250, pintando de negro o seu territorio. 

Está por ver se a Xunta atende a petición do concello e non confina perimetralmente, ao entender que é un foco delimitado á residencia, aínda que hai un traballador positivo. O outro municipio non perimetrado que está en nivel máximo, en negro no mapa, é Maside:

A lista de municipios cuxo cómputo de positivos a 7 días sobe hoxe respecto ao mesmo cómputo onte é:

• Ames +1
• Cangas +1
• Cambre +2
• Sarria +2
• Culleredo +3

Como é habitual, entre os municipios que repuntan están concellos dormitorios, próximos ás grandes cidades. 

A relación de concellos cuxa suma de positivos en semanal  baixa hoxe respecto a a mesma suma onte é:

• Coruña (A) -9
• Arteixo -3
• Ferrol -3
• Santiago de Compostela -3
• Lugo -2
• Ourense -2
• Narón -1
• Moaña -1
• Pontevedra -1

A evolución dos positivos en todos os concellos de Galicia pode consultarse no buscador ao final da noticia.

COMPARATIVA DE CIDADES

A Coruña a pesar dos seus bos datos de hoxe, segue sendo a urbe galega con máis problemas, tanto a en o plano semanal como a dúas semanas:

Os bos datos de hoxe a nivel galego axudan a que ningunha cidade repunte, aínda que Vigo se estanca, en parte debido a un brote no Hospital Álvaro Cunqueiro. 

Con todo, a situación en Vigo non parece, por agora, preocupante. De feito, a nivel de 14 días, o brote en servizo de Dixestivo non logrou deter o descenso de positivos:

EVOLUCIÓN DOS CASOS ACTIVOS POR ÁREA

A cantidade de infectados baixa en todos os distritos menos no de Ferrol. O rebote ferrolán é mínimo, sobe de 300 a 301 casos activos e ten que ver con o brote no colexio dos Pais Mercedarios.

ÚLTIMOS DATOS POR ÁREA

A

HOSPITALIZACIÓNS POR ÁREA SANITARIA

A