Deteñen a dous mozos de Marín con antecedentes por reter a unha amiga en contra da súa vontade

A Policía Nacional detivo aos dous homes que residían no mesmo inmuble, por delitos de coaccións e detención ilegal. 

Sobre un deles pesaban as denuncias de media ducia de prostitutas, que reclamaban ao individuo o abono dos servizos realizados, ademais de dous requisitorias xudiciais por ingreso en prisión dun xulgado de San Sebastián. 

Axentes da Policía Nacional | Foto: EP

A Policía Nacional da Comisaría de Marín detivo a dous veciños deste municipio pontevedrés de 24 e 34 anos de idade, con antecedentes policiais, como presuntos autores dun delito de coaccións e detención ilegal por reter a unha amiga contra a súa vontade nun piso ao que foi de visita.

Segundo informou a Policía Nacional, os feitos tiveron lugar o mes pasado cando presentou denuncia en dependencias policiais unha muller que afirmou ser "retida en contra da súa vontade por uns amigos nun piso ao que fora de visita".

Uno destes individuos supostamente escondeulle o teléfono e pediulle 800 euros para que llo devolvese, para o que se desprazaron baixo coacción a un caixeiro para retirar esa cantidade, indicou a Policía.

Como a vítima non tiña ese diñeiro dispoñible acompañárona a unha tenda de telefonía móbil e alí a coaccionaron para contratar dúas liñas telefónicas cos seus respectivos terminais.

Por mor da denuncia os axentes iniciaron as pescudas para esclarecer estes feitos e, tras identificar aos dous individuos, os axentes pescudaron que un deles estaba encartado en varias denuncias, entre elas as de seis mulleres que aseguraban realizar "servizos de compañía" para este individuo que finalmente se negaba a abonar "de maneira violenta", subliña a Policía.

PROSTITUTAS AMEAZADAS

As prostitutas, que se desprazaban para iso desde Vigo en taxi, "eran ameazadas por este individuo habitualmente, cunha chave de parafusos nalgún caso e azuzando ao seu can en outras", subliña a Policía Nacional.

Ademais, este individuo negábase a pagar as carreiras dos taxis que trasladaban ás mulleres ao citado domicilio desde a cidade olívica.

Así mesmo, puntualiza a Policía, había varias queixas da veciñanza debida aos "constantes problemas que xeraban no resto dos veciños do inmoble".

No momento de localizar a un deles ao detectar a presenza policial o home saíu fuxindo á carreira, aínda que os axentes detivérono unhas rúas máis aló, afirmaron as mesmas fontes policiais.

Por todo iso, os axentes policiais detiveron a este individuo por un delito de coaccións e detención ilegal xunto co outro habitante da vivenda.

Ademais, os axentes comprobaron que a este individuo constábanlle dous requisitorias xudiciais por ingreso en prisión dun xulgado de San Sebastián. Unha vez detidos os dous individuos foron postos a disposición xudicial.