A Covid non dá tregua en Galicia, que reduce a súa presión hospitalaria á conta do seu segundo récord de falecidos

O coronavirus segue abríndose paso na comunidade, aínda que parece facelo a un ritmo máis estable e con algúns indicadores aventurando o inicio do descenso de casos. 

Con todo, o que preocupa agora é a situación nos hospitais, que contan con máis dun milleiro de enfermos de Covid-19. Esa cifra viuse reducida nas últimas 24 horas, aínda que os decesos marcan a súa segunda peor marca.

Así, mentres que a rebaixa no número de camas ocupadas é de 37, os falecidos desde onte son 34 máis. Só o 1 de abril, onde se informou de 36 falecidos por covid, rexistrouse unha cifra máis alta neste sentido. Son xa 1.752 as vítimas da pandemia segundo as cifras oficiais da Xunta de Galicia, máis de 150 en só unha semana. Do mesmo xeito, neste momento hai 1.084 pacientes de coronavirus nos hospitais galegos, 228 nas unidades de coidados intensivos. 

O número de casos activos segue crecendo, aínda que a un ritmo máis baixo. Hoxe son 387 máis, moi lonxe dos 1.161 que sumou o pasado sábado. É a segunda subida máis baixa, só superada polos 320 casos máis de hai dous días, desde o 7 de xaneiro. 

INDICADORES EN DESCENSO

Esta diferenza vén marcada, en gran medida, pola alza de altas médicas. Galicia leva tres días con máis dun milleiro de altas diarias. Hoxe son 1.072. Pero tamén porque hai unha serie de indicadores que comezan a ofrece un cambio de tendencia. A positividade hoxe é do 9,06%, o que contribuíu de forma decisiva a que a media semanal neste apartado baixe do 10%: 9,8%. É a primeira vez en dúas semanas que este indicador rebaixa o 10%, que é o dobre do establecido pola OMS.

Pola súa banda, a incidencia acumulada a 14 días comeza a estabilizarse, aínda que marca uns preocupantes 635 casos por cada 100.000 habitantes. Con todo, se atendemos a a incidencia acumulada semanal, a cifra leva tres días en descenso: onte eran 331 casos; hoxe son 322 por cada 100.000 habitantes. 

Faio despois de que a comunidade fulminase o seu récord de test PCR con 13.890 probas en só 24 horas, deixando atrás o récord que establecera só un día antes con 237 test máis. A media de PCR diarias é de 12.657.

Do mesmo xeito, a media móbil semanal da porcentaxe de cambio diario ofrece hoxe un crecemento do 3%, un 0,7% menos con respecto a onte. Con todo, o máis significativo é que neste capítulo a redución é de máis do dobre: o sábado pasado era do 6,6%. De seguir a este ritmo, Galicia podería cambiar a súa tendencia dentro dunha semana.