A partir de Semana Santa recuperarase o turismo de Santiago ata completar un 2021 "excepcional", estima Bugallo

O edil de Santiago apunta a que o repunte do turismo en Santiago será gradual a partir da primavera, segundo declarou na firma dun convenio para a compra de tres vehículos para Protección Civil.  Hai que lembrar que as autoridades xa pediron á Igrexa que prolongue o Xacobeo máis aló de 2021, sen recibir resposta por agora.

O alcalde de Santiago, Xosé Sánchez Bugallo, confiou en que a recuperación turística da cidade "comece" a partir de Semana Santa e que o segundo semestre do Ano Santo 2021 sexa "excelente", mentres que cre que 2022 será un "ano excepcional".

Bugallo xunto ao vicepresidente da Xunta Alfonso Rueda e o presidente provincial

En declaracións aos medios tras asinar un convenio en Compostela, o alcalde asegurou que cre que o próximo ano, 2021, haberá "unha recuperación notable tanto dos fluxos turísticos como dos peregrinos, especialmente notable no segundo semestre do ano".

"Probablemente a partir de Semana Santa comece esta recuperación, de forma se cadra ao principio non demasiado intensa, pero segundo vaia avanzando o tempo cada vez máis intensa", dixo o alcalde, que está "convencido" de que o segundo semestre do ano "será excelente" e 2022 "será un ano excepcional desde o punto de vista turístico e dos peregrinos que fagan o Camiño".