Polo menos 26 directores de institutos reclaman atrasar o curso debido ao coronavirus
Onte mesmo a Xunta cambiou as normas en secundaria, permitindo por exemplo as clases semipresenciais. Os directores alegan que agora non puden cumprir coas medidas para previr os contagios.
Onte mesmo a Xunta cambiou as normas en secundaria, permitindo por exemplo as clases semipresenciais. Os directores alegan que agora non poden cumprir coas medidas para previr os contagios.
Os primeiros foron oito institutos de Santiago de Compostela: o IES Antón Fraguas, o IES Eduardo Pondal, o Lamas de Abade, A Pontepedriña, Rosalía de Castro, Sar, Xelmírez I e Xelmírez II, que subscribiron un escrito conxunto ante as incertezas da situación e a imposibilidade de organizar os horarios, asignar espazos ou adaptalos ás distancias mínimas entre alumnos.
Os centros advirten de que este atraso podería estenderse ata o 23, 24 ou 25 de setembro, debido a que necesitan un mínimo de sete días lectivos para poder sacar adiante esta adaptación e aínda están á espera de coñecer as vacantes e modificacións horarias. O escrito está dirixido ao xefe territorial da Coruña.
Posteriormente, outros 18 institutos de ensino secundario e formación profesional de Pontevedra subscribiron a iniciativa dos seus homólogos na capital galega, cun texto dirixido á Xefatura Territorial desta provincia, ao non ter coñecemento da cota de profesores nin recursos humanos dispoñibles para poder realizar a organización de grupos.
En concreto, foron o CIFP Carlos Oroza, EPAPU Río Lérez, IES Frei Martín Sarmiento, o Luís Seoane, de Meaño, Montecelo, Monte da Vila, Sánchez Cantón, Torrente Ballester, Valle Inclán, Xunqueira I, Xunqueira II, Pontecaldelas, Poio, CHa do Monte, Basella, Vilalonga e Faro dás Lúas.
Escribe o teu comentario