​O coronavirus rompe o seu récord de contaxiados nun só día con máis 150.000 novos casos: “Está a acelerar”, di a OMS

E se o peor da pandemia aínda non chegou? A Organización Mundial da Saúde notificou onte a súa cifra récord de casos nun mesmo día, con América e Asia como zonas máis afectadas. Con Pequín en alerta e un crecente número de casos en Oriente Medio, con Israel atravesando un forte rebrote, o planeta entra “nunha nova fase”.

América do Sur é a área onde a ameaza é maior nestes momentos. O hemisferio dará a benvida ao inverno nos próximos días, polo que o frío podería ser un factor determinante na dispersión da enfermidade nalgunhas zonas cun clima tépedo.

Doutra banda, a pasividade dalgúns gobernos, como o de Brasil, están a ser moi prexudiciais, xa que ao non aplicar medidas restritivas están a dar ás ao contaxio.

“O mundo atópase nunha nova e perigosa fase. Moitas persoas están comprensiblemente fartas de estar na casa. É comprensible que os países estean desexosos de abrir as súas sociedades e economías. Pero o virus séguese propagando rapidamente, segue sendo mortal, e a maioría da xente segue sendo susceptible”, advirten desde a OMS

Segue lendo a noticia  en Catalunyapress.