Información privilexiada para parques eólicos grazas a Beatriz Mato? ADEGA acusa e Greenalia deféndese

|


"A empresa da ex-conselleira Beatriz Mato tivo información privilexiada na tramitación dos seus proxectos eólicos".  Esta é a denuncia lanzada hoxe desde ADEGA, a maior asociación ecoloxista do país. Acusación que a enerxética coruñesa desmente.


A fichaxe de  Mato por Greenalia xa suscitase polémica. Entre outras razóns, porque a súa Consellería, Medio Abiente, aprobou os informes necesarios para que Greenalia construíse o seu maior activo, a planta de biomasa de Teixeiro. En concreto, asinounos a directora xeral de Calidade Ambiental, nomeada por Mato.


ACUSACIÓN DE ADEGA

Hoxe ADEGA acusa á Xunta de filtrarlle información aínda non publicada Greenalia. Greenalia fichou á política como directiva este inverno, tras fracasar no seu intento de converterse en alcaldesa da Coruña. 


Así, ADEGA asegura que a Xunta lle está dando "inestimables axudas oficiais e oficiosas" á tramitación de 13 proxectos de parques eólicos por parte de Greenalia. En concreto, que a empresa pretende, baixo o amparo da Xunta, despiezar un único parque en varias partes para sacalo adiante con menos trámites o proxecto, bautizado como O Cerqueiral, en Bergantiños. 


Ubicaciu00f3n dos proxectos de parques eu00f3licos e ou00e1rea de presenza da especia protexida e do LIC Lagoa de Alcalan



"A tramitación por separado do que debería ser un único parque para eludir determinados procedementos é un frade de lei", aseguran os ambientalistas. O colectivo lembra, ademais, que está instalación afecta o hábitat de dúas "especies ameazadas",  tartaña cincenta (Circus pygargus) e gatafornela (Circus cyaneus) á beira dunha lagoa recoñecida como Lugar de Interese Comunitario.


Segundo Adega, a empresa eléctrica inclúe na memoria do parque eólico 'O Cerqueiral' --situado no Concello de Cabana (A Coruña)-- mencións a planos de xestión de especies ameazadas (unha planta endémica en perigo de extención e dúas aves vulnerables) que non foron publicados no Diario Oficial de Galicia (DOG) e, por tanto, "non son oficiais".


VERSIÓN DE ADEGA

A enerxética nega as insinuacións de trato de favor. Grenalia respondeu á nota de ADEGA cunha propia na que desmente  que tivese acceso "privilexiado" a información oficial da Xunta .


Pola súa banda, Greenalia responde que tivo acceso "como calquera outra empresa" a estes plans de conservación a través dunha consulta telemática realizada o 22 de novembro á Consellería de Medio Ambiente, que remitiu devanditos documentos.

"Aínda que este plan non está aprobado, é coñecida a súa existencia e serve de referencia a moitas consultoras e empresas para coñecer as especies en perigo da zona á hora de facer informes ambientais", sinala a compañía, que subliña que no momento da consulta Beatriz Mato xa non ocupaba responsabilidades na Consellería de Medio Ambiente.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress