Alerta por inundacións no Umia e outros ríos da conca costeira
A Xunta activou o Plan Especial por Risco de Inundacións de Galicia (Inungal) ante a subida dos caudais en ríos das concas de Galicia-Costa debido ás choivas asociadas á borrasca Karine.
A predición do tempo fala de choivas constantes debido a Karine. A AEMET ten vixentes alertas en varias comarcas polo forte vento. Vento que xa deixou refachos de máis de 143 quilómetros en Viveiro e de 167 na Veiga.
A Xunta activou o Plan Especial por Risco de Inundacións de Galicia (Inungal) ante a subida dos caudais en ríos das concas de Galicia-Costa debido ás choivas asociadas á borrasca Karine.
A Consellería de Infraestruturas e Mobilidade, a través do Organismo Augas de Galicia, informa de que, segundo o sistema Artemis de previsión de avenidas, "espérase un incremento do caudal xeneralizado nas concas de Galicia-Costa".
Deste xeito, segundo esta previsión, recolle o 112 nas súas alertas, "poderanse superar os caudais críticos na conca do Río Umia na entrada ao encoro de Caldas, durante a mañá deste 3 de marzo".
O FACTOR DO ENCORO
Respecto diso, o 112 advirte nos seus avisos, que "o comportamento da conca do Río Umia pode estar condicionado pola xestión do encoro". En previsión deste fenómeno, a Dirección Xeral de Emerxencias e Interior activou na noite deste luns o Plan Especial para o risco de inundacións en Galicia, "en fase de alerta", concreta.Por iso, o 112 incide na importancia de adoptar as "medidas preventivas necesarias" e "alertar ou mobilizar os medios e recursos" oportunos.
Escribe o teu comentario