​'O Gardián entre as Flores' premiada como 'Mellor novela de misterio' por Círculo Vermello

|

A editorial galardoou a primeira obra do galego Rober H.L.Cagiao, que aproveitou a ocasión para reivindicar a figura de Rosalía de Castro.


87230311 10207128680211367 2877424004358995968 n 10207128680171366

Rober H.L.Cagiao con  o galardón



Rober H.L.Cagiao leva un ano de vertixe. Despois dun punto e seguido no mundo da música, o de Bañobras lanzouse ao mundo das letras coa publicación da súa primeira novela, 'O Gardián entre as Flores', que lle trouxo éxito editorial e galardóns a partes iguais.


O debut do escritor galego viuse recompensado co premio a 'Mellor novela de misterio' nunha nova edición dos Premios Círculo Vermello na gala celebrada en Roquetas de Mar.



O galardón recoñece así a un thriller que conecta algo tan propio da idiosincrasia galega como son as lendas e o misterio con asasinatos, nunha historia infestada de enigmas, moitas preguntas e non tantas respostas.



Ademais do galardón, o autor de 'O Gardián entre as Flores' converteuse en protagonista absoluto da gala ao lograr que todo o auditorio acompañase os versos de 'Adios Ríos, Adios Fontes' de Rosalía de Castro, á que reivindicou na gala. Do mesmo xeito, protagonizou xunto ao actor Jesús Olmedo uno dos momentos divertido da cerimonia, cando o actor bicou ao premiado despois de confesar que seguía solteiro, a diferenza do resto de galardoados. 

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress