​‘Eu son Carolina!’: a galega que triunfou na Belle Epoque

O escritor Javier Carballo presenta o seu libro no Café Casino de Santiago de Compostela no que fai unha revisión á bailarina, actriz e cantante pontevedresa.

A Bela Otero | Foto: Wikipedia

A Bélle Epoque tiña un indubidable acento galego. E todo grazas Agostiña do Carmen Otero Iglesias, un dos máximos expoñentes deste período. Mellor coñecida como Carolina Otero ou ‘A Bela Otero’, o escritor nobel Javier Carballo, tamén valgués como a actriz, cantante e bailarina, fai un repaso á vida desta muller, fundamental na arte da Francia de finais do S. XIX.

O libro, ‘Eu son Carolina!’, será presentado este martes 3 de marzo no Café Casino de Santiago de Compostela polo autor e a concelleira de Acción Cultural, Mercedes Rosón. Carballo fai un breve repaso á vida de Otero por medio dunha perspectiva de xénero.

O seu autor insiste en que esta non é unha novela nin unha biografía, senón “unha crítica sobre como a sociedade e os poderes mediáticos acabaron por desprestixiar a historia de Carolina”. Desde o feminismo e a influencia de Carolina na sociedade parisiense da época, Carballo cre que o escrito é unha “reconciliación” del con Carolina, á que define como “libre e empoderada”. “Encantaríame que Carolina puidese vir a algunha das miñas presentacións”, agregou o escritor para poder coñecer o seu punto de vista sobre temas como a igualdade, a diversidade ou o feminismo.