"Cando eu estudei medicina entramos 1.500, agora entran 300" quéixase Lores ante os problemas do SERGAS
Carga contra os recortes da Xunta e censura "falta de planificación política"
O político do BNG relaciona os problemas nas urxencias de Montecelo co suposto desmantelamento á mantenta do SERGAS por parte do PPdeG.
Preguntado polos xornalistas nunha comparecencia de prensa, o rexedor nacionalista ha sinalado como "un erro" a política de recortes que observa na sanidade pública.
"Está a recortarse investimento en equipamentos e material, e estase recortando, sobre todo, en persoal, sanitario e de todo tipo", reprochou ao Goberno galego.
Lores indicou que desde hai anos detéctase un "desfasamento" entre o número de profesionais que se xubilan e o número de estudantes da Facultade de Medicina. Lamenta que "falta planificación política" por parte do PP e que, por este motivo, agora non hai especialistas en pediatría ou anestesistas.
"Na época na que eu entrei en Medicina entramos 1.500, agora están a entrar 300 e algúns son estudantes estranxeiros. Oia, non me saen as contas", queixouse o rexedor, que é médico de profesión.
"O persoal sanitario, especialmente os médicos, son cinco anos de carreira e seis de especialidade, 11 anos, non se forma ese persoal da noite para a mañá", insistiu.
RECLAMA INVESTIMENTOS
Fernández Lores alertou que este "intencionado abandono" do sistema sanitario público conleva que esa "deterioración" sexa "constante" polo que reclamou as "investimentos pertinentes" neste ámbito.
O alcalde pontevedrés ha insistido en que se trata de "un problema político, de vontade política de dedicar esforzos económicos, de planificación e formación".
Escribe o teu comentario