Cazando raposos nunha zona danada pola rata-toupa, un de cuxos depredadores é, precisamente, o raposo

A extensión da rata toupa  está a causar millonarias perdas aos gandeiros da montaña de Lugo, que ven como se comen as raíces dos seus pastos. A pesar da praga, a Xunta autoriza "dous grandes batidas" contra un dos seus depredadores naturais, o raposo, denuncian os animalistas. Polo menos una das batidas afecta a Triacastela, concello afectado pola praga, segundo acaba de recoñecer o Goberno. 

A asociación animalista Libera denunciou este mércores a celebración o vindeiro sábado en Láncara e Triacastela de dúas "macrobatidas" para "masacrar raposos", onde están convocados "decenas de cazadores vindos das catro provincias de Galicia". Triacastela é, precisamente, un dos municipios afectados pola invasión de ratas-topo, segundo recoñeceu publicamente a Xunta fai só cinco días.

Nun comunicado, os animalistas criticaron que a Xunta "non informase desta convocatoria", que se coñece "a través de redes sociais", algo que, aseguran, "volve poñer en risco ás persoas que este sábado quixesen dar un paseo, recoller fungos ou realizar algún deporte ao aire libre nas zonas escollidas".

A asociación lembrou que os cultivos desta zona de Lugo "levan semanas" sufrindo danos pola poboación de 'ratas topo', unha especie que está "a provocar perdas económicas aos agricultores da comarca". O raposo, apunta, é precisamente "un dos depredadores naturais deste roedor".

Libera cualificou de "aberración" que a Consellería de Medio Ambiente "vaia a autorizar un novo pseudocampeonato para exterminar raposos sen dispoñer dun só traballo científico independente" que o avale, xa que, aseguran, "os plans de ordenación e outros documentos dos cotos de caza son elaborados por empresas con intereses no sector".