Abortan un intento de suicido nas inmediacións do estaleiro Barreiras en Vigo

A Policía Nacional de Vigo evitou o suicidio dun home preto do estaleiro Barreiras na tarde deste sábado, despois de que un achegado do home que tentaba poñer fin á súa vida avisase aos axentes do que ía ocorrer.

Así o confirmou este corpo de seguridade do Estado, que preto de 18,42 horas da tarde do sábado recibiu a chamada desta persoa para alertalos. En cocreto, contoulles aos axentes que un achegado seu o chamara para despedirse, comunicarlle a intención de acabar coa súa vida e tamén lle enviou unha foto.

Grazas a esa imaxe, os axentes puideron identificar un barco que se constrúe nos estaleiros de Barreiras e dirixíronse á zona para evitar que o home acometese o seu propósito.

Unha vez alí, os axentes interviñeron e lograron impedir que o home acabase coa súa vida tras falar con el e actuar de diversas maneiras.

Sacárono da zona na que estaba a través da auga, levárono a un lugar máis seguro e unha ambulancia desprazouse ata o punto para atender ao home.