Activistas péganse ao escaparate de Zara para denunciar o "eco blanqueamento" (Vídeo)

As grandes corporacións presumen de prácticas verdes pero en realidade son unha das grandes contaminadoras do planeta. Este é a mensaxe que lanzaron onte ducias de actvistas ao ocupar un céntrico Zara en Madrid.

O grupo galego Inditex, que este verán prometeu acabar coas bolsas de plástico en 2020, vese salpicado así polo debate público ao fío da COOP 25, que ten lugar na capital. 

Foron uns trenta os activistas organizados por Extinction Rebellion Spain  os que boicotearon a tenda de Zara na Gran Vía de Madrid. Algúns deles pegaron as súas mans aos escaparates.

Os activistas enarboraron unha pancarta que rezaba "Palabras verdes, verdades tóxicas" para resaltar como as empresas están a utilizar estratexias de 'lavado verde' ante a emerxencia climática e ecolóxica.

Segundo Extinción Rebelión, actualmente a industria de a moda utiliza o 20% dos recursos da auga e emite un 10% de CO2 a nivel mundial. Os consumidores están a tomar conciencia desta realidade e piden cada vez máis responsabilidades aos principais actores do sector.

Credit Suisse dixo no seu último informe sobre Inditex, a compañía foi pioneira en moitos aspectos de investimento sustentable (ESG), concretamente na elaboración de informes e no traballo cunha gran variedade de Ong.