A Xunta promete as maiores oposicións de Educación da historia en 2020
En ano electoral, o Goberno Gallego lanzará unha OPE na que di ofertará máis de 3.600 prazas
O presidente da Xunta, Alberto Núñez Feijóo, anunciou este xoves que Galicia terá o próximo ano as maiores oposicións de educación "da historia". En total, ofertaranse 3.654 prazas, 2.036 de novo acceso e as restantes, de promoción interna.
Tras a reunión semanal do seu Goberno, Feijóo remarcou que se trata dunha "convocatoria histórica", que supera "nun 17 por cento" á maior OPE convocada ata o momento, a de 2017.
Así mesmo, explicou que se tentará aprobar no último trimestre do ano e non no arranque de 2020 co fin de aproveitar "a certeza" que permiten os orzamentos estatais de 2017 no que respecta a a regulación destes procesos e ás taxas de reposición.
"Non sabemos que ocorrerá en 2020 e cal vai ser a posibilidade das administracións públicas porque aquí ninguén garante nada", advertiu, en referencia ás incertezas do escenario político estatal, pendente das negociacións para a conformación dun novo Goberno.
Opositores en Silleda
Escribe o teu comentario