Mozo "medio decapitado" cunha motoserra nun posible suicidio en Vigo

É a primeira vez que os axentes ven un suicidio tan truculento, recoñecen desde a Policía

O corpo dun home novo foi achado "medio decapitado" xunto a unha motoserra nun escampado en Vigo, pero a Policía Nacional descarta a intervención doutras persoas nesta morte.

Avenida de Europa en Vigo

Así o informaron a Europa Press fontes policiais, que relataron que ás 10,15 horas deste mércores recibiron o aviso dun veciño de que atopara un corpo "medio decapitado cunha motosierra á beira" nunha leira na zona da Avenida de Europa.

Ao lugar acudiu unha patrulla policial, así como a comisión xudicial para proceder ao levantamento do corpo, que corresponde a un mozo veciño da zona.

FALA A POLICÍA

As mesmas fontes policiais apuntan a que "non hai signos de violencia", polo que se apunta a unha morte na que non interveu outra persoa. Con todo, destacaron que se trata da "primeira vez" que se atopan con "un suicidio" destas características.

A Policía Nacional trata de aclarar o motivo de que o home "chegase a esta situación", aínda que apuntan a un posible "problema na contorna familiar".