Todo preparado en Santiago para o seminario sobre a xeración eléctrica distribuída de Naturgy

A Fundación Naturgy trae este martes 8 de outubro á capital galega unha xornada sobre a xeración eléctrica distribuída no Hotel AC Palacio do Carmen.

A Fundación Naturgy organiza o evento

A xeración eléctrica distribuída, ou o que é o mesmo, a produción de electricidade de forma descentralizadas e o máis preto posible do cliente, será obxecto de debate este martes 8 de outubro no Hotel AC Palacio do Carmen de Santiago de Compostela. O obxectivo da xornada é "poñer en común a regulación, impactos e grao de implantación nos ámbitos residencial, terciario e territorial".

Á cita, que arrinca ás 9 horas, acudirán expertos tanto nacionais como internacionais, coa presenza do director xeral de Enerxía e Minas da Xunta de Galicia, Anxo Bernardo Tahoces, e Maria Eugenia Coroado, directora xeral da Fundación Naturgy.

ÚLTIMOS DÍAS | O martes que vén celebramos o seminario sobre “Xeración eléctrica distribuída: impactos e implementación”. Se non podes asistir, contarémoscho a través do hashtag #SeminariosFNaturgy.

📌 #SantiagodeCompostela
⏱️ 9hhttps://t.co/qXwSqKMiZr

— Fundación Naturgy (@NaturgyFnd) October 4, 2019

Ademais, Pablo Frías, da Universidade de Comillas, Raúl Suárez, director de Redes de Electricidade de España ou Juan Bogas, director de Seguimento do Mercado, serán algúns dos relatores deste encontro, onde se avanzará cara ao futuro e a eficiencia da enerxía eléctrica.