Veciños piden ao alcalde que denuncie a TEN, empresa relacionada coa mina de Touro, por malos cheiros

|

Varios anos de loita levan os veciños de Loxo, en Touro, contra os "malos cheiros" que din provoca a planta de Tratamento Ecolóxicos do Noroeste. A mobilización continuou este venres cunha reunión na que participaron centos de persoas, segundo os organizadores, e o alcalde Ignacio Codesido (PP).


Os afectados reclaman que sexa o seu concello quen denuncie a situación na Xustiza e diante doutras administracións. Unha escalada porque cren que a empresa non gasta "nin un euro" en paliar o impacto do a planta a pesar de "queixas continuas" dos veciños, cansados de "boas palabras e notas de prensa".


Veciños de loxo

Reunión de veciños co alcalde de Touro


Nun comunicado, a plataforma veciñal advirte que chegarán a "onde sexa necesario" para que a compañía deixe de "rirse de nós". Ademais de pedirlle ao alcalde que denuncie e poña unha pancarta no concellos, poñerán eles mesmos pancartar reivindicativas.


QUEN É TRATAMENTOS ECOLÓXICOS DO NOROESTE? 

TEN SL é a empresa que  trata os residuos da mina de Touro-O Pino (A Coruña) e outras industrias. Labor pola que recibiu premios, algo que indigna aos veciños molestos polos cheiros. 


A empresa está situada en terreos da antiga mina, foco da polémica local debido ao proxecto de reactivación da explotación de cobre. O socio galego de esa proxecto é a empresa local Explotacións Galegas a través de Cobre San Rafael. 


Os veciños, que teñen en marcha unha petición en Change.org, aseguran que Explotacións Galegas ten o 15% de TEN. O certo é que unha das súas administradoras mancomunadas, Eva Gómez Portela, é tamén administradora de Cobre San Rafael e Explotacións Galegas, pois é parte da familia que controla os terreos.  





Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress