Termómetros por encima dos 35ºC e en aumento a partir de hoxe
Os termómetros rozaron os 35 graos centígrados nas localidades ourensás de Leiro e Arnoia que rexistraron os valores máximos en Galicia este mércores, con 34,9ºC e 34,8ºC, respectivamente.
Segundo os rexistros de Meteogalicia, recollidos por Europa Press, os seguintes valores máis elevados da xornada deste mércores corresponderon aos municipios pontevedreses de Tui (34,7ºC) e Arbo (33,8ºC), seguidas de Cartrelo de Miño (Ourense), con 33,6ºC.
Deste xeito, os rexistros de temperaturas máis significativos deste mércores en Galicia corresponderon a localidades con altitude menor de 900 metros, mentres que o valor máximo en municipios de montaña foi para Vilariño de Conso (Ourense) con 27,1ºC e A Mezquita, na mesma provincia, con 27ºC.
Este xoves Galicia continúa na influencia das altas presións nunha situación de estabilidade atmosférica e espérase unha xornada de ceo despexado, con entrada de nubes de tipo alto pola noite. As temperaturas máximas ascenderán e prevese alcanzar os 36ºC en Ourense.
Escribe o teu comentario