Vánselle todos os edís do seu grupo pero o alcalde de Monterroso di que gobernará "por decreto"
O histórico ex-socialista Antonio Gato queda só no Goberno e dá a entender que busca un pacto co PP, aguantando ata que lle presenten unha moción de censura
Gato, un dos dirixentes históricos do PSOE de Lugo, portavoz no Parlamento de Galicia e na Deputación, presentouse baixo as siglas de Independentes de Monterroso o 26 de maio.
Antonio Gato
Nos comicios logrou catro concellerías fronte a tres do PSOE, 3 do PP e uno Compromiso de Galicia e logrou ser investido cos votos dos populares.
O rexedor enfróntase agora a un escenario en solitario tras a marcha dos concelleiros ao grupo de non adscritos. Neste sentido, mostrouse "absolutamente" convencido de que este feito polo seu intento de buscar "un goberno de coalición co Partido Popular", co obxectivo de que a Xunta "financie proxectos que son o futuro do concello".
"Hai algúns que me acompañaban que vían reducidas as súas posibilidades (con ese pacto de goberno co PP)", interpreta, e advertiu de que seguirá de alcalde "ata que haxa unha moción de censura"-
"O decreto vai ser o meu procedemento de goberno do municipio, para calquera circunstancia que necesiten os veciños e veciñas asinarei decretos e con ese instrumento gobernarei en Monterroso, da mellor forma posible, da forma máis transparente posible e coa maior eficacia que eu poida", comprometía finalmente.
Escribe o teu comentario