O presidente de México ve corrupción nos contratos con Pemex que promoveu a Xunta de Galicia (vídeo)

500 millóns de investimento, 4.000 empregos, unha vintena de barcos e unha base no Porto Exterior da Coruña. Estas son algunhas das promesas que fixo Feijóo en 2012 ao fío de acordos con Pemex. A realidade é que só se construíron dous floteles e os mexicanos rescataron a Barreras. Operacións que, ademais, agora están no punto de mira do presidente México. López Obrador anuncia que se van revisar os contratos por sospeitas de "corrupción" e sobrecustos inxustificados.

O Goberno de México está a revisar unha serie de contratos con estaleiros españois da petroleira estatal Pemex ao considerar que estes acordos "non ofrecían un trato xusto" para a compañía azteca, segundo anunciou en rolda de prensa o presidente mexicano, Andrés Manuel López Obradoro.

"Estamos a revisar contratos de empresas que se teñen en España con estaleiros españois onde non había un trato xusto para Pemex", anunciou o presidente mexicano, sinalando que "se está levando a cabo unha limpa xeral" en referencia ás empresas creadas ao redor da petroleira estatal e ao "tráfico de contratos e de compras con sobreprezo".

"Podo dicirlles que se acabou a corrupción en Pemex", asegurou López Obradoro, sinalando que estas empresas que existían e eran independentes xa teñen control da dirección de Pemex.

Pemex selou acordos con Galicia que pasaron pola realización de floteles e a entrada no estaleiro vigués de Barreras, tras a negociacións mantidas coa Xunta, aínda que case todas as promesas non se viron cumpridas sobre o inicialmente anunciado.

LISTA DE PROMESAS INCUMPRIDAS

Así, a "alianza estratéxica" incluía  "a aposta de PEMEX por establecer no Porto Exterior de Punta Langosteira unha das súas principais bases loxísticas ". Promesa da que non queda nin rastro.

O presidente galego tamén anunciou a oferta de Pemex de que os estaleiros galegos participasen na licitación para a construción de 7 buques fornecedores, cun investimento de máis de 100 millóns de euros. Ese negocio nunca se concretou.

SI se concretou a entrada da empresa públicas meXicana no accionariado das viguesa Barreras. México pagou 5,1 millóns de euros por o 51% da antiga compañía estatal. Agora ben, esa operación esta baixo sospeita.

ABANDONO DE BARRERAS A FUME DE CAROZO

Medios aztecas, en concreto a revista Contralínea, informaron que Pemex tentou malvender a súa parte de Hijos de J. Barreras a socios minoritarios a baixo prezo. Sucedeu durante a transición entre os gobernos de Pena Nieto e Obrador. 

Hai meses que en Vigo sospéitase que os mexicanos queren saír como sexa do accionariado, como parte do anunciado plan de venda de activos por 1.200 millóns.  Temor que sen dúbida se acrecenta hoxe tras as durísimas afirmacións de Obrador. Ademais, PEMEX anda tentando colocar como sexa o flotel de Barreras, pois é demasiado grande para as súas necesidades. O mesmo sucede co flotel que construíu Navantia en Ferrol, acabado o ano pasado. Foron os dous únicos buques que se fixeron finalmente en Galicia.

No seu día, Feijóo anunciou que os estaleiros galegos non só farían eses floteles, senón que participaciparían en a "renovación da frota menor de PEMEX que supoñerá un investimento de 240 millóns de dólares." Pemex anunciou en 2016, xa antes do cambio de goberno en América, que non faría o terceiro flotel -previsto para Barreras- nin os 14 remolcadores prometidos.

Feijóo nunha das súas visitas a Peña Nieto, anterior presidente

VIRO NA POLÍTICA DE PEMEX
Pola súa banda, López Obrador destacou que coas súas accións o Goberno xerou un aforro do 30% nos traballos de exploración e de perforación relacionados con Pemex, ata uns 700 millóns de dólares (614 millóns de euros).

Así mesmo, o presidente mexicano ha destacado que se estabilizou a caída da produción de Pemex, engadindo que "bancos estranxeiros con moi boa información viñeron e ampliaron créditos, baixaron taxas de interese, e iso mesmo están a facer outros bancos para reestruturar a débeda herdada en Pemex".

A principios de xuño, a axencia de cualificación Fitch rebaixou nun chanzo a nota de solvencia a longo prazo da débeda soberana de México, ata 'BBB+' a 'BBB', dous chanzos por encima do grao especulativo ou 'bono lixo', mentres revisou a perspectiva do rating a 'negativa' desde 'estable', o que deixa aberta a porta a un novo recorte no curto prazo como consecuencia das dificultades que atravesa a petroleira estatal Pemex e a incerteza relacionada coas tensións comerciais con EEUU.

No caso da nota de solvencia a longo prazo como emisor de Petróleos Mexicanos (Pemex), a axencia rebaixou o rating ata 'BB+' desde 'BBB-', dentro do grao especulativo ou 'bono lixo' e con perspectiva 'negativa'.