Científico experto en balsas alerta dos perigos da nova mina de Touro

|

A Plataforma Veciñal Mina Touro O Pino NON encargou un informe ao doutor Steven H. Emerman, doutor en Xeofísica pola Universidade de Cornell e "especialista en balsas mineiras mundialmente recoñecido". Tirando da documentación remitida por Cobre San Rafael á Xunta, conclúe que hai polo menos sete riscos que os promotores da mina de Touro "non abordan adecuadamente", segundo os veciños.



Steven H Emerman

Steven H. Emerman dando clase no Salt Lake Community College | NewSDS youtube


Entre outros, citan que "non hai ningunha estimación dos criterios básicos de seguridade, incluídos a inundación máxima probable (IMP) e o terremoto máximo crible".   


SEN PLANS A LONGO PRAZO

Unha das promesas do proxecto promovido pola multinacional Atalaya Minning é devolver os terreos ao seu estado natural unha vez concluída a vida útil da explotación, en menos de 15 anos. Respecto diso  a Plataforma, en base ao estudado por Emerman, di que non hai un plan sobre que facer se diminúe o nivel freático ou se o revestimento impermeable gotea, "o cal é probable despois de 100 anos".


O Proxecto Touro expón almacenar os residuos estélires nunha balsa moi próxima á aldea de Arinteiro. Os veciños indican que non existe ningún plan sobre a súa xestión a longo prazo, dato especialmente relevante á vista de os problemas que ocasionan as actuais balsas da antiga mina.


Así as cousas, a Plataforma, tendo en conta que "os datos que xa están en poder da administración desde hai meses", pregúntase porque a Xunta segue sen dar carpetazo ao plan de reapertura. O Goberno xa advertiu aos promotores que a documentación inicial non cumpría as esixencias necesarias, pero despois de que a empresa remitise novos informe, garda silencio, estratexia que probablemente non cambiará ata pasadas as eleccións locais.


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress