Levantado o segredo de sumario do caso das chantaxes en Facenda

|

O Xulgado de Instrución Número 3 de Santiago levantou o segredo de sumario no caso polo cal segue en prisión Asdrúbal Casares, inspector xefe da Axencia Tributaria en Vigo



Agenciatributariaimpuestoshacienda


As conversacións telefónicas intervidas -algunhas no seu terminal de traballo- ratifican as sospeitas dunha presunta trama corrupta, segundo adianta hoxe El Correo Gallego.


O denunciante que propiciou a operación policial asegura que "o inspector actuante, mediante actitudes ameazadoras, para a empresa inspeccionada, para os administradores da mesma, e para o propio apoderado (o economista denunciante), facía insinuacións de que era conveniente alcanzar un acordo previo á firma das actas, para evitar que subisen ata a contía de delito fiscal, manifestando que se lle fixaría unha oferta económica importante para lograr a regularización da situación".


Un suposto modus operandi que se asemella ao relatado por algún dos empresarios que se din prexudicados durante os anos que operou o grupo. Entre outros, os creadores das defuntas Blu Sens e Redcom.


REXEITADA A PETICIÓN DE LIBERDADE CONDICIONAL

O levantamento do segredo de sumario apunta a que a xuíza non teme a que se destrúan probas por ser públicos os feitos investigados. Agora ben, mantén en prisión a Asdrúbal Casares, a pesar da petición do seu letrado, o que implica que ou ben teme que ao saír poida entorpecer a recollida de indicios ou evadir a acción da Xustiza.


Un dos seus presuntos colaboradores, o asesor fiscal de Vigo Francisco González, socio de Aserco e outras numerosas empresas de construción e asesoría, está libre -tras ser detido no seu día- pero cunha fianza de 120.000 euros. 

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress