Plexus explica que non tivo relación co Imserso no período investigado
Tecnoloxías Plexus SL nega, nun escrito remitido a Galiciapress, que a Fiscalía Anticorrupción investigue traballos seus para o IMSERSO, como informou a Cadea Ser no Hora 14 do martes 19 de xaneiro.
A empresa Plexus explica que "non foi adxudicatario do contrato, nin realizou ningún traballo para o Imserso para ningunha das compañías que resultaron adxudicatarias", como informou a Ser.
"Plexus non tivo ningunha relación contractual co Imserso ata a recente licitación de 2018 (concretamente inicio execución en agosto de 2018). De feito, Plexus presentouse na licitación anterior e a súa oferta quedou excluída a favor da UTE adxudicataria. Plexus non foi adxudicatario do contrato, nin realizou ningún traballo para o Imserso para ningunha das compañías que resultaron adxudicatarias da licitación de 2013. Polo que o período que supostamente investiga a fiscalía segundo o propio medio citado Cadena Ser, abarca de 2012 á 2018, período que se refire á anterior lictación e non á actual", sinala a consultora.
A compañía desmente ademais vínculos con José María Sánchez González, ex-número 2 da Consellería de Cultura, pois "non foi directivo, nin empregado, nin socio, nin tan sequera provedor da compañía cuxos fundadores, por outra banda, non coñecen persoalmente á devandita persoa". O seu actual CEO, Antonio Agrasar, asegura que "non foi asesor de la Xunta e de TVG" en ningún momento, como erroneamente informou este medio.
Ademais, sobre a Operación Pokemon, engade que "acreditamos ter no noso poder un escrito da fiscalía no que consta o arquivo da devandita querela por non atopase ningún tipo de indicios delituosos".
Escribe o teu comentario