O PSX do SERGAS pide "verdadeiras canles de diálogo"

A Asociación de Persoal de Servizos Xerais (PSX) do Servizo Galego de Saúde (SERGAS) mostrou o seu "malestar" ante as novas reunións dos seis grupos de traballo postos en marcha pola Consellería de Sanidade co "presunto labor" de mellorar a Atención Primaria e reclamou que se abran "verdadeiras canles de diálogo".


|

A Asociación de Persoal de Servizos Xerais (PSX) do Servizo Galego de Saúde (SERGAS) mostrou o seu "malestar" ante as novas reunións dos seis grupos de traballo postos en marcha pola Consellería de Sanidade co "presunto labor" de mellorar a Atención Primaria e reclamou que se abran "verdadeiras canles de diálogo".


Salga de espera do Sergas


Nun comunicado remitido aos medios, esta asociación asegura que sería positivo que se "abrisen verdadeiras canles de diálogo" entre a Administración, os representantes dos traballadores, as asociacións profesionais, os colectivos de usuarios da sanidade pública e o resto de actores implicados no correcto funcionamento do sistema sanitario galego.

E é que, para esta entidade, "a formulación deseñada polo SERGAS non busca un diálogo directo, claro, sincero e frutífero" senón que pretende "desactivar os crecentes conflitos" existentes na sanidade pública desde a dimisión de 22 xefes de servizo de Atención Primaria da área sanitaria de Vigo ou as denuncias por o falecemento de pacientes nos servizos de urxencias do CHUS.

Así mesmo, esta asociación opina que "todo o proceso de diálogo aberto" cos representantes de persoal de servizos xerais "elixidos a dedo" pola Administración "está viciado desde o inicio" e "envolto dun certo escurantismo e unha total falta de transparencia".

PIDE "RECTIFICAR" O DESEÑO DOS GRUPOSPor todo iso, a Asociación de Persoal de Servizos Xerais do SERGAS insta á Xunta a "rectificar" e "reorientar" o deseño dos actuais "sucedáneos de grupos de traballo" nos que, segundo denuncia, participan membros da súa categoría profesional aos que o SERGAS "atribuíu unha representatividade que non teñen".

"Entendemos que un verdadeiro diálogo debe de ser multidireccional e todas as partes deben posuír a facultade de poder expoñer correctamente as súas posicións e ideas co obxectivo de atopar canles de entendemento para, finalmente, limar as posibles diferenzas que lles afastan", apunta.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE