É legal o prezo da ORA en Ourense?

|

O partido Adiante Ourense denuncia que en Ourense poderíase estar a cobrar algúns conceptos da zona azul de modo irregular."Aínda que a ordenanza reguladora de ORA actualmente vixente e publicada na web municipal establece un importe de 1,5 euros de tarifa por anulación de denuncia, a concesionaria esixe 2,00 euros como así consta nas instrucións dos parquímetros", alerta.



Jesus vazquez ourense

Jesús Vázquez, alcalde de Ourense


Galiciapress comprobou que efectivamente se produce esta diferenza de importes entre a tarifa pública na rúa e a tarifa aprobada no seu día e que figura no portal do Concello. Este diario solicitou a versión ao Concello de Ourense sen obter resposta por agora.


PODE HABER ORA EN RÚAS QUE NON SON MUNICIPAIS?

AdelanteOurense reclama tamén que de "inmediato suspenda o cobro da ORA na rúa Concordia". A formación política do empresario Benito Iglesias argumenta que o titular desta vía non é o Concello, como tampouco o é  das rúas Progreso, Sáenz Díez e  Avenida de Bos Aires polo que non debería haber alí parquímetros.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress