A xuízo un Policía Nacional por trapichear con cocaína en prostíbulos

|

O axente da Policía Nacional da Comisaría de Pontevedra vendía droga en locais de alterne, onde compartía información confidencial e alertaba de posibles redadas. Enfróntase a unha pena de dous anos e medio de cárcere.



NOVOS VEHÍCULOS POLICIA NACIONAL

Vehículos da policía nacional


Un axente da Policía Nacional da Comisaría de Pontevedra enfróntase a unha pena de 2 anos e medio de prisión por distribuír cocaína a pequena escala en prostíbulos da provincia, onde tamén avisaba das redadas e inspeccións que realizarían os efectivos do servizo de Estranxeiría.

O xuízo terá lugar o xoves día 4 nos xulgados da Audiencia Provincial de Pontevedra. A peza procede dun caso no que estaban acusadas outras 13 persoas, quen chegou a un acordo sobre o pasado mes de xuño. Todos eles aceptaron ser castigados con penas que non superan o ano e medio de cárcere.

Deste xeito, o Ministerio Público sostén que L.R.P, axente da Policía Nacional na Comisaría de Pontevedra con 31 anos de servizo no ano dos feitos -transcorridos en 2007-, difundiu "en reiteradas ocasións" entre os seus amigos e os rexentes de clubs de alterne de Pontevedra "información confidencial e secreta que coñecía por razón do seu emprego como funcionario público".

Así, o acusado alertaba ante redadas e inspeccións en prostíbulos onde, ademais, distribuía cocaína a pequena escala entre os donos dos clubs e as traballadoras. Este axente foi descuberto por mor dunhas escoitas policiais cando pretendía "buscar novos provedores" de droga fóra da provincia de Pontevedra.

Para iso, L.R.P., a través doutras dúas persoas condenadas no caso, pretendía adquirir 10 quilos de haxix traído desde o sur de España que, unha vez en Galicia, cambiaría por cocaína. Con todo, a operación nunca chegou a producirse e as tres persoas foron detidas pola Policía.

No rexistro da súa vivenda, situada en Bueu (Pontevedra), foi intervido un anaco de haxix do tamaño "dunha peza de avecrem" e unhas pezas de marfil valoradas nuns 18.000 euros. 

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress