Alcalde faise o sueco tras ser ratificada a súa condena por prevaricar

|

O Partido Popular reclamou a dimisión do rexedor de Camariñas (A Coruña), Manuel Valeriano Alonso de León (PSdeG), tras a sentenza que o condena a catro anos de inhabilitación para emprego ou cargo público por prevaricación, da que o rexedor asegurou non ter constancia.



Camariu00f1as Manuel Valeriano Alonso de Leu00f3n

Manuel Valeriano Alonso de León


Preguntado respecto diso por Europa Press, o rexedor de Camariñas declinou realizar valoracións e asegurou descoñecer de momento a sentenza.


Con todo, o PP da localidade esixiu, nun comunicado de prensa, que "desokupe" a alcaldía ante a ratificación da sentenza xudicial emitida o pasado ano. O portavoz do grupo municipal do PP de Camariñas, Mauricio Aufiero, engadiu que o rexedor "está a tardar en presentar a súa dimisión á fronte do executivo local".


CONTRATO A UN MILITANTE SOCIALISTA

O Partido Popular, que valora que "os veciños de Camariñas non se merecen un alcalde okupa", sostén que ao rexedor "termináronselle as escusas", tras unha sentenza derivada da contratación dun ex militante do PSOE para traballar no Concello sen a convocatoria do proceso selectivo e ante a que non cabe recurso.


Ante esta situación, a formación municipal esixe que "o rexedor acate a lei e que dimita". "Nestes momentos, está totalmente incapacitado xudicial e moralmente para poder exercer como máximo responsable do goberno local", manifestou Aufiero.


Nese sentido, o portavoz tamén fixo referencia ás declaracións do alcalde, quen aseguraba non ter coñecemento da sentenza e que seguiría os pasos que lle marcase o seu avogado, segundo indicou a formación política.


Aufiero argumentou que "non se trata de facer o que digan os avogados, trátase de cumprir unha sentenza igual que tería que facer outro veciño de Camariñas".


SENTENCIA "CLARA, DURA E CONTUNDENTE"

Doutra banda, o PP expón que a sentenza é "clara, dura e contundente" e que "non cambia nin unha coma da ditada en primeira instancia por parte do Xulgado do Penal número 3 da Coruña".


O representante municipal  criticou que o rexedor alegase que o fallo se debe a unha persecución política e recalcou que se trata de "un asunto serio", porque é "unha condena por un claro trato de favor cara a unha persoa".


Tras acusar o alcalde de xestionar o concello de maneira "ditatorial e caciquil", os populares móstranse "convencidos" de que "non será a última sentenza en contra que recibirá o rexedor".

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE