Unión Fenosa Distribución inviste 7,5 millóns de euros en limpeza e mantemento do arboledo en Galicia

Supervisión das liñas eléctricas con drons

Unión Fenosa Distribución, filial de distribución eléctrica de Gas Natural Fenosa, investirá en 2018 7,54 millóns de euros en traballos de limpeza e mantemento do arboledo de Galicia, consistentes na talla selectiva  e poda de árbores así como na roza de maleza co obxectivo de "garantir o óptimo funcionamento da subministración eléctrica".

Segundo fixo público a compañía, ademais de asegurar a calidade e a accesibilidade da rede, os traballos perseguen evitar posibles incidencias por acumulación de masa forestal nas zonas próximas ás redes de distribución. 

O 85% dos 60.000 quilómetros de liñas eléctricas da empresa en Galicia son aéreas, o que implica que están suxeitas a zonas boscosas ou con vexetación. Destacan que a presenza de árbores de rápido crecemento, como eucaliptos ou piñeiros, "poden supoñer un risco para a propagación de incendios forestais", e, en temporais con fortes refachos de vento, a caída destas árbores sobre o tendido eléctrico "poden provocar incidencias sobre a subministración". 

Do total do investimento, 2,7 millóns de euros destinaranse aos traballos da provincia da Coruña, 1,7 millóns a Lugo, 1,6 a Ourense e 1,4 a Pontevedra, que se suman aos 55 millóns de euros que a distribuidora eléctrica ha investido nestes traballos de mantemento desde o ano 2010 na comunidade. 

A compañía conta desde 2015 con drons para a supervisión e mantemento das liñas eléctricas de alta tensión, que aumentan "a seguridade das operacións de inspección" ao disminuír o número de traballos que se realizan en altura.