Traballadoras sociais alertan que non hai persoal para atender aos máis vulnerables de Vigo

O vindeiro venres 5 de abril, a Central Unitaria de Traballadores (CUT) convocou unha concentración ás 13 horas na porta do Concello de Vigo. A protesta ten como obxectivo denunciar o que denuncian como situación de sobrecarga que afecta as traballadoras sociais que, lembran, é un servizo esencial para persoas con menos recursos. 

A central alega que a pesar dos reiterados intentos das técnicas por mellorar o servizo, o Concello de Vigo, que dirixe o socialista Abel Caballero, e a Concellería correspondente non responderon, o que, din, levou a moitas persoas a unha situación alarmante de vulnerabilidade.

Teresa Elvira Muñiz, traballadora social e delegada da CUT no Concello de Vigo, convocou aos medios de comunicación a unha rolda de prensa ás 13:15 horas o día para protesta para ofrecer detalles sobre a situación actual e as futuras mobilizacións ou accións a levar a cabo. A concentración e a rolda de prensa buscan chamar a atención sobre a importancia deste servizo e a necesidade de mellorar as condicións de traballo das traballadoras sociais, así como garantir unha atención axeitada ás persoas máis vulnerables.

Hai que lembrar que Vigo acumula varias polémicas sobre a presunta falta de atención aos colectivos vulnerables. Así, recentemente o colectivo xitano denunciou que as familias ás que a Administración aloxou nun hostal tras o incendio no que morreron varios nenos están a piques de quedar na rúa.

Ademais, colectivos como Vos Ninguéns levan anos denunciando a falta de solucións habitacionales estables para as persoas en risco de exclusión en Vigo. De feito, o Concello, tras o tráxico incendio, o Concello desaloxou varios inmobles nos malvivían en condicións insalubres persoas con poucos recursos, inmobles perigosos polas súas malas condicións sobre os que o Concello tiña noticia hai varios anos.