Interveñen 5 quilos de cocaína nun hotel en Vigo que gardaba un "laboratorio de droga"

O operativo desenvolveuse nun hotel no corazón de Vigo e serviu para desmantelar o que os axentes cualifican como "un laboratorio de droga".

Hai dous detidos no leste golpe contra o narcotráfico, onde tamén se interviñeron sustancias de corte e utensilios. 

Axentes da Policía Nacional da Comisaría de Vigo-Redondela detiveron a dous homes aos que interviñeron cinco quilos de cocaína, sustancias de corte e utensilios para elaborar a sustancia estupefaciente nun hotel de Vigo.

A investigación dirixiuse a un céntrico hotel da cidade olívica, onde os inquilinos dun dos apartamentos poderían ocultar "unha gran cantidade de sustancia estupefaciente e útiles para a preparación", no que a Policía denominou "laboratorio da droga".

Así, o grupo da Udyco da Comisaria de Vigo solicitou toda a información no lugar, con responsable e persoal do hotel, corroborando os feitos, e solicitando ao xulgado de garda a entrada e rexistro no apartamento.

DETIDOS

Alí procedeuse á detención de dúas persoas, inquilinos do apartamento, por tráfico de drogas e interviñéronse cinco quilos de cocaína, botellas de acetona, auga destilada e distintos útiles susceptibles de ser utilizados para a elaboración e venda de sustancia estupefaciente.

A investigación continúa aberta para poder determinar a implicación de máis persoas, a orixe ou procedencia da sustancia estupefaciente e os posible puntos de venda.