Concentración de ucraínos no Porto de Vigo contra a chegada da fraga rusa Shtandart

A  Asociación de Ucraínos de Galicia-Xirasol  realizou un acto contra a próxima chegada da fragata rusa  Shtandart.

A Shtandart é unha réplica da fragata do século XVIII do tsar ruso Pedro I o Grande.  Antigo buque escola, agora é un buque turístico que participou tamén en ducias de rodaxes e ofrécese para eventos marítimos. Hai moitas nacionalidades entre os seus tripulantes, pero navega baixo bandeira rusa. 

"Nada xustifica o trato preferente do que goza o buque ruso", quéixanse os ucraínos. Na súa opinión, o permiso concedido polo goberno francés para amarrar na Rochelle, replicado por España, é unha clara violación do quinto paquete de sancións imposto pola Unión Europea.

Xirasol  entende que a Shtandart non é máis que outro instrumento da 'guerra híbrida' rusa contra Occidente, que inclúe accións de propaganda para reivindicar o seu pasado imperial. A Shtandart é unha copia do primeiro buque de guerra que Rusia botou no mar Báltico.