Terremoto magnitude 3.3 en Silleda ás 09:29 horas

Silleda  foi o epicentro dun terremoto de magnitude 3.3 rexistrado ás 09.29 horas deste sábado polo Instituto Xeográfico Nacional (IGN).

É pouco habitual que sismos desta magnitude provoquen danos, aínda que poden ser perceptibles. Neste caso, non se rexistraron chamadas ao 112 Galicia nin os equipos de emerxencias municipais tiveron que atender ningunha incidencia, segundo informa a alcaldesa, Paula Fernández, a Europa Press.

"Agora si que a xente empeza a comentar: 'Escoitei un ruído moi forte', 'escoitei un tremor'... Pero, en principio, debeu de ser moi suave", ratifica Fernández, que está en contacto coa Subdelegación do Goberno para coñecer o motivo polo que se produciu.