Arde outra vez o Parque Natural Baixa Limia-Serra do Xurés cun incendio en Muiños (vídeos)
As chamas atópanse entre o embase de Salas e a fronteira con Portugal. Á zona, que xa sufriu un incendio considerable en 2020, acaban de chegar as primeiras brigadas helitransportadas. O tempo seco para os próximos días non son boas noticias para os que combaten os incendios en Galicia, onde este verán foi relativamente tranquilo até agora.
Un incendio forestal permanece activo a esta hora no municipio ourensán de Muíños, na parroquia de Requiás e afecto ao Parque Natural de Baixa Limia-Serra do Xurés.
Segundo informou a Consellería do Medio Rural, o lume iniciouse ás 18,47 horas deste venres. Polo momento, mobilizáronse para a súa extinción catro axentes, sete brigadas, unha motobomba, un técnico, sete helicópteros e tres avións.
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún incendio forestal.
Ademais, existe un teléfono anónimo e gratuíto para denunciar calquera actividade delituosa incendiaria: 900 815 085.
Escribe o teu comentario