Escasea un dos antibióticos máis comúns para nenos, Amoxicilina, nas farmacias de Galicia

Outra proba da avalancha de infeccións respiratorios son os colapsos que se viven en varios servizos de urxencias, por exemplo en Vigo

A amoxicilina, similar á penicilina, úsase para tratar moitas das infeccións bacterias. Entre outras, a bronquite, a pneumonía  e as infeccións do nariz, os oídos, a garganta, as vías urinarias e a pel.

Ademais dos xenéricos, hai marcas como Amoxaren, Amoxigobens, Britamox, Clamoxyl e Hosboral e preparados multicomponentes que conteñen amoxicilina na súa composición como o Clamoxyl mucolítico.

As farmacias galegas teñen "dificultades" para a distribución da amoxicilina pediátrica ante a alta demanda dos usuarios, nun momento no que se está producindo un pico de infeccións respiratorias.

Os Colexios de Farmacéuticos consultados por Europa Press sinalaron que "é un pouco dificultoso", pero remarcaron que non se debe causar ningunha alarma porque hai laboratorios que xa confirmaron que terán subministración.

Un dos membros da xunta directiva do Colexio de Farmacéuticos da Coruña, Paula Briones, consultada por Europa Press, detallou que as farmacias que realicen un pedido previo ao outono "están a ter menos problemas, como é lóxico".

Desta forma, explicou que actualmente hai máis demanda destes antibióticos debido a que, coa retirada da máscara, produciuse un aumento das infeccións respiratorias. Así, están repuntando os episodios deste tipo, como "se estaba afeito", xa que cando se empregaba este elemento de protección, as enfermidades de transmisión aérea "diminuíron moito". 

Con todo, detallou esta dificultade de acceso por varias razóns, primeiramente pola alta demanda, "hai moitos contagios, conviven distintos tipos de virus respiratorios".

Con todo e ante todo, incidiu en que "non hai que causar ningunha alarma" xa que algúns laboratorios confirmaron que a partir do 30 de novembro "si que van ter subministracións". "Trátase sempre de dar unha alternativa cun antibiótico de amplo espectro", remarcou Briones.

Nesta liña, fontes do colexio de Ourense precisaron que se notificaron problemas de subministración pero "existen outras alternativas e hai catro máis que non dan problemas".

Tamén, detallaron que a finais de novembro reporase o medicamento. "Non é que estea o mercado farmacéutico desabastecido senón que é unha marca hai até catro máis que non marcan problemas de desabastecemento. A nivel Ourense non podemos remarcar que exista un problema", sentenciaron as fontes consultadas.