Detectados dous casos de gripe aviaria en aves migratorias en Galicia

A Xunta de Galicia identificou dous casos de gripe aviaria en dúas aves silvestres que, segundo informou a Consellería do Medio Rural, estaban de paso pola comunidade e non aniñan nin teñen colonias en Galicia.

Os dous casos están a ser analizados actualmente polos técnicos da Administración autonómica, que avalían os informes de laboratorio e as circunstancias e lugares de recollida das aves contaxiadas.

A Consellería do Medio Rural trasladou este sábado que no caso de que se confirme unha "alta patogenicidad" nestes casos, "serán declarados e comunicados ás autoridades competentes, para os efectos oportunos".

A Xunta de Galicia resaltou nun comunicado que o subtipo de virus de gripe aviaria declarado en Europa "non ten carácter zoonósico" e que, por tanto, non pode transmitirse desde os animais ás persoas a través da carne cocida, os ovos ou os produtos procesados.

Recalcou así mesmo que a detección de casos en aves silvestres "non afecta ao status sanitario das explotacións avícolas, nin aos movementos dos seus animais".