Organizacións en defensa de Palestina convocan unha mobilización en Santiago para o próximo 6 de outubro

O próximo 7 de outubro cumprirase un ano desde o inicio do conflito entre Israel e Palestina. En realidade, é o inicio do último episodio dun conflito décadas de historia e que non fixo máis que ir en aumento, sendo cada vez máis destrutivo, cruel e difícil de solucionar. O mes que vén cúmprese o aniversario do ataque terrorista de Hamás sobre poboación civil israelí, suceso que motivou a represalia do exército de Israel sobre territorio palestino, diezmando a poboación cunha cadea de mortes que se contan por decenas de miles. Este horror espertou a censura da comunidade internacional, con iniciativas como a da Coordinadora Galega de Solidaridade con Palestina, que convoca unha gran mobilización para este 6 de outubro. 

A organización, conformada polas plataformas Asociación Galaico Árabe Jenin, Galiza por Palestina e Mar de Lumes, convoca unha manifestación nacional cunha gran mobilización que arrincará na Alameda da capital galega ás 12 horas, conicidiendo coa véspera de "do aniversario do xenocidio en Gaza", como puntualizan os organizadores. 

"LIMPEZA ÉTNICA"

"Queremos denunciar a agresión desmedida e inhumana que soporta o pobo palestino, non só desde o 7 de outubro, senón desde fai 76 anos. O estado terrorista de Israel leva décadas utilizando a forza militar e a violencia desmedida para manter un réxime de apartheid en Palestina", denuncian no seu comunicado, cifrando en máis de 40.000 as vítimas mortais nos últimos 11 meses. 

"Falamos de miles de persoas desaparecidas e de miles de feridos e enfermos que non teñen posibilidade de atención médica", anotan, ademais dos "652 palestinos asasinados fóra de Gaza" ou as "12.000 detencións arbitrarias" practicadas desde entón noutros territorios como Cisxordania, onde admiten un aumento da violencia relacionado con "desprazamentos e roubos de terras na colaboración do exército coas milicias de colonos armados".

No seu comunicado, as organizacións citan a "altos cargos israelís" como responsabes da "limpeza étnica en toda Palestina" cos ataquea a campos de refuxiados ou a persoal médicos e xornalistas. "Todo isto continúa incuso despois de que a Corte Internacional de Xustiza concluíu que a ocupación é ilegal e que Israel debe desmantelar os asentamentos", inciden os organizadores, á vez que condenan a "pasividade" da Unión Europea, a "posición ambigua" do Goberno de España ou as "conexións e acordos comerciais" da Xunta de Galicia con Israel. 

"Este é un momento no que todas as institucións deberían actuar con contundencia e romper os acordos académicos, comerciais, económicos e as relacións diplomáticas con Israel. Estas son as únicas medidas efectivas para parar o xenocidio do pobo palestino", consideran as plataformas de apoio ao pobo palestino.