"Rifas", denuncias cruzadas e "escalada da violencia" entre sindicatos na sede de Ambulancias do Atlántico

As augas seguen revoltas en Ambulancias do Atlántico, onde o temporal que azouta á empresa e ás súas máis de 100 empregados segue sen amainar. O conflito coa compañía segue candente, a pesar de que na última semana os sindicatos #CIG, USO e CC.OO. anunciaron a desconvocatoria da folga indefinida que proxectaban empezar o pasado 12 de xullo. Un acordo sobre a campá son a nova concesionaria do servizo, a #UTE EMERSAN-SALUSER e coas autoridades sanitarias desbloqueou a ameaza dos paros, que ían afectar ao servizo do 061. Con todo, e aínda que as mobilizacións non leven a cabo, Ambulancias do Atlántico e o seu dirixente, Carlos Simón, seguen contraendo unha importante débeda cos empregados, algo que provocou un cruzamento de acusacións e denuncias entre dous sindicatos, as citada Comisións Obreiras e a Formación Sindical de Técnicos de Emerxencias Sanitarias (FS-TES).

VERSIÓN DE FS-TES

Este último sindicato emitiu un comunicado recentemente, que firma o seu secretario autonómico, José Bello, no que acuasa, entre outras cousas, aos sindicalistas de CC.OO. de realizar "pintadas, ameazas telefónicas, boicots aos delegados de FS-TES". Nesta liña, o sindicato relata que o pasado venres 12 de xullo houbo un enfrontamento na base de Ambulancias do Atlántico en Mos, onde algúns traballadores recibiron, presuntamente, "insultos, coaccións, ameazas físicas e contra os seus bens por parte dun grupo de sete suxeitos pertencentes ao sindicato CC.OO.".

A continuación, citan ao "presidente do comité do servizo urxente", Roberto Rodríguez, como a persoa que dirixía esa escaramuza nas oficinas e que terminou coa presenza e intervención da Garda Civil e a Policía Local de Mos nas instalacións. 

"Ante a gravidade deste suceso vímonos obrigados a presentar senllas denuncias ante a Garda Civil e a Policía Nacional", aseguran desde FS-TES, que tamén din "pór en coñecemento do secretario autonómico do sindicato CC.OO., don J. M. S. V., estes feitos tan graves, nesta e outra base por parte dos seus delegados". Ás acusacións o sindicato tamén subliña "ameazas e acoso permanente a determinadas persoas, mesmo a propios afiliados seus, co fin de amedrentar e coaccionar a liberdade de expresión e acción das compañeiras e compañeiros". 

"FS-TES non vai tolerar prácticas violentas que socavan a liberdade de expresión e acción, así como a integridade psicolóxica e física das persoas traballadoras, que ven afectada", reprende o sindicato, que lamenta a "escalada de violencia" que se está vivindo na firma, enmarcando irremediablemente as tensións na profunda crise que vive Ambulancias do Atlántico, á que lle foi retirada o concerto do servizo urxente en Vigo, Cangas e Moaña.

VERSIÓN DE CC.OO.

A versión de Comisións Obreiras, en cambio, é radicalmente contraposta á do comunicado de FS-TES. De feito, desde CC.OO. subliñan que un grupo de extrabajadores de Ambulancias do Atlántico, "moitos non sindicados", acudiron á sede, "sen bandeiras nin distintitos do sindicato, só a título persoal", a buscar respostas polos atrasos para a tramitación dos cálculos e as entregas das súas nóminas, unha tarefa que, nun principio, ía asumir TRAGSA, así como a tramitación dos expedientes de débeda cos traballadores. 

Roberto Rodríguez explica a Galiciapress que as tensións entre os dous sindicatos foron constantes desde o inicio da crise de Ambulancias do Atlántico, chegando a celebrar reunións paralelas entre a empresa e a administración con FS-TES e logo cos sindicatos do comité que compoñen USO, CIG e o propia CC.OO. 

"Acúsannos de non contar con eles nas negociacións, pero discrepabamos moito da liña de acción sindical que seguían. Por iso había reunións por separado e nunca puidemos traballar de maneira conxunta", detalla Rodríguez

"O venres nin houbo concentracións nin Comisións Obreiras estivo presente en ningures", reitera Rodríguez, á vez que puntualiza que FS-TES tentou "denunciar calquera acción de CIG, USO ou CC.OO. sobre Ambulancias do Atlántico; parece que queren defender os intereses da empresa".

Desde Comisións denuncian a "actitude chulesca" do delegado de FS-TES e agregan que "hai cámaras de seguridade" que poden corroborar a versión do sindicato. 

De igual maneira, din descoñecer si foron denunciados ou non, pero que os afectados tamén están a estudar as accións legais pertinentes que asumirán, dependendo do procedemento no que se vexan inmersos si realmente reciben unha denuncia. En calquera caso, apostilan desde Comisións que "non hai problema algún co sindicato FS-TES", en todo caso "con algunhas persoas que o representan nesta empresa". 

A consecuencia do comunicado, Rodríguez rexeita que CC.OO. ameace, boicoteado ou atentado contra ninguén, negando de pleno todas as acusacións que refire a nota de FS-TES. "Consideramos que as acusacións vertidas sobre as persoas traballadoras e o sindicato FS-TES serán denunciadas ante a autoridade por difamación e calumnias", expresan, á vez que lembran que "non é a primeira vez que recibimos denuncias así e ao final nos juzagdos acaban como acaban: sen poder probar nada e sendo totalmente falsas".