Lourenzá pide axuda para a familia de Abderrahim, traballador morto que deixa 7 fillos
O operario faleceu atrapado debaixo dun coche en Despezamentos A Mariña, en San Cosme, lugar de As Eiras, no municipio de Barreiros, hai unha semana. Desde o veciño concello de Lourenzá, onde reside a súa numerosa familia, a alcaldesa Rocío López deu un paso adiante para solicitar a colaboración cidadá.
O Concello de Lourenzá informou da apertura dunha conta bancaria para recadar doazóns e axudar á familia do traballador falecido hai unha semana nun accidente laboral na Mariña.
Tal e como explicaron no bando publicado nas súas redes sociais, Abderrahim Amernis Zakri, de 43 anos, deixa muller e sete fillos menores ao seu cargo, motivo polo que se abre a conta para que todos aqueles que queiran facer unha doazón económica á familia poidan facelo.
O número de conta é ES 71 0182 4340 6702015 59380, da entidade BBVA.
O home morreu hai unha semana mentres traballaba, ao quedar atrapado baixo un vehículo. Cando os servizos de emerxencia chegaron ao lugar, só puideron confirmar o seu falecemento, a pesar de que os bombeiros teñen a súa base xusto á beira.
Escribe o teu comentario