Interceptan un camión de lousa en Carballeda de Valdeorras que superaba en 15 toneladas a carga permitida
O vehículo excedía nuns 15.000 quilos a carga permitida, un exceso de peso de case o 60%.
Un camión que transportaba lousa foi interceptado na parroquia de Sobradelo, en Carballo de Valdeorras (Ourense), cando excedía nuns 15.000 quilos a carga permitida, un exceso de peso de case o 60%.
Segundo informou a Garda Civil, unha patrulla de tráfico localizou ao vehículo cando circulaba pola estrada que une a localidade de Sobradelo co límite da provincia de León.
Ao comprobar a documentación e realizar a súa pesada os axentes detectaron como a báscula arroxaba un exceso de peso do 59.8%. En concreto, o camón, que saíra dunha louseira próxima, cifraba en 41.550 quilos o peso, cando a carga máxima do vehículo era de 26 toneladas.
O vehículo, quedou inmobilizado até a descarga do exceso de mercadoría sobrante e o seu titular enfróntase a unha sanción de 4.000 euros pola infracción.
A Garda Civil lembra que, sobrecargar o camión, ademais de ir contra da normativa vixente, representa un importante risco para a seguridade viaria.
Escribe o teu comentario