O sector do metal mobilízase en Lugo ao estancarse as negociacións polo novo convenio

A mobilización, celebrada no polígono ce Ceao, congregou a máis dun centenar de persoas, convocadas polos sindicatos CIG, UXT e CC.OO.

De momento, a posición inmovilista adoptada pola patronal e que denuncian os sindicatos é a que bloqueou toda posibilidade de acordo. 

Traballadores do metal secundaron unha mobilización no polígono de Ceao, en Lugo, polo "bloqueo" da negociación dos convenios do metal e do comercio do metal na provincia.

Foi tras unha asemblea de delegados cunha concentración, na rotonda do polígono, horas despois e con participación dunhas 150 persoas, nunha protesta convocada por CIG , #CCOO e #UXT.

Os participantes, encabezados por unha pancarta coa lema 'Convenio do metal. Solución xa', cortaron ao redor de media hora a zona da rotonda central con presenza da Garda Civil e a Policía Local e o malestar evidenciado por algúns condutores.

Durante a mesma, corearon lemas como 'salarios tamén, se sobe o IPC' ou 'convenio digno' durante unha mobilización na que manifestaron, ademais, que queren "traballar e non mendigar".

Así mesmo, reclamaron negociación á patronal, algo que demandaron desde a representación sindical. Os seus representantes insistiron en que se trata dun sector "esencial", cuns 5.000 traballadores na provincia, e no que un posible paro afectaría "a moitas empresas".

Segundo as centrais sindicais, na negociación a patronal negouse a que os traballadores poidan percibir atrasos durante a vixencia do convenio (2022-2025), ademais de "non aceptar que se aplique a cláusula de revisión salarial ano a ano con efectos retroactivos".

Denuncian tamén que non se asumiu "ningunha reivindicación que levaron á mesa de negociación", por exemplo, "o plus de traballo a quendas", entre outras demandas.