(VÍDEO) Dous veinteañeros de Lalín detidos en Xixón por agredir a un indixente e filmar a agresión
Dous veciños do municipio pontevedrés de Lalín, de 21 e 27 anos, foron detidos por agredir a un indixente en Xixón o pasado 25 de novembro pola noite.
Os procesados, de 21 e 27 anos, foron detidos por agredir a unha persoa sen teito na noite do 25 de novembro na cidade asturiana.
Os investigados, ademais de golpealo con patardas e insultalo, gravaron o delito, no que se lles pode ver rindo, e difundírono en redes sociais.
Dous veciños do municipio pontevedrés de Lalín, de 21 e 27 anos, foron detidos por agredir a un indixente en Xixón o pasado 25 de novembro pola noite.
Os supostos autores difundiron un vídeo da agresión en redes sociais no que se ve como, entre risas, patean a un indixente nun soportal da cidade asturiana mentres lle profiren insultos.
Tras a difusión do vídeo, as forzas de seguridade lograron identificar aos presuntos agresores, dous veciños de Lalín. Un deles foi localizado en Xixón, onde a Policía Nacional procedeu á súa detención este venres. O outro, foi detido xa en Lalín por axentes da Garda Civil do municipio pontevedrés.
Segundo fontes consultadas por Europa Press, o detido en Galicia foi posto a disposición xudicial este sábado e quedou en liberdade con cargos. Impútaselle un delito de lesións e outro de odio.
Ademais, as mesmas fontes confirmaron que os dous acusados de levar a cabo esta agresión teñen antecedentes xudiciais por delitos semellantes.
Escribe o teu comentario