O cuspe fai millonario a un ourensán: a saliva do seu avó, clave para reclamar unha herdanza millonaria

Un detective privado, o cuspe e unha proba de ADN converteron en millonario a un home de 35 dun municipio de ourense que, até agora, non podía demostrar que o seu pai, aquel que mantivera unha relación coa súa nai e abandonouna cando estaba embarazada de tres meses, era realmente o seu proxenitor. Agora o Xulgado de Primeira Instancia nº4 de Ourense estima "integramente" a demanda deste fillo ilexítimo que tivo que pelexar  nos xulgados para que a súa familia paterna recoñeza o seu parentesco.

TRES ANOS DE RELACIÓN E UN ABANDONO

A demanda deste home, que recorreu aos servizos do Bufete Osuna, non ía dirixida ao seu pai, falecido en México en 2011, senón ao seu avó, ao que reclamaba unha proba de ADN que foi posposta en até tres ocasións, a pesar de que o home fora citado en até tres ocasións para someter a este test biolóxicos que ratificasen o parentesco co denunciante.

O home nunca se presentou ás citacións, alegando que o seu estado de saúde non lle permitía acudir. No entanto, nunca se presento un xustificante que apoiase esa incapacidade, mentres o home negaba coñecer ao que, máis tarde, revelouse como o seu neto. 

A nai do demandante, como indicaron as testemuñas citadas a declarar, mantivera unha relación sentimental de maneira intermitente co pai biolóxico do home. Tratábase dunha relación de "polo menos tres anos" que tiña lugar cando o falecido, que residía en México, viaxaba a Ou Caraballiño de vacacións. Foi nunha destas estancias que a muller quedou embarazada e, tras contactar co pai e comunicarlle o seu estado con tres meses de xestación, este "finalizou a relación sentimental" e nunca chegou a recoñecer legalmente en vida ao seu fillo biolóxico. Tampouco a familia do pai recoñeceu nunca a relación entre ambos.

O CUSPE DO MILLÓN

Co avó pecho en banda, o denunciante recorreu aos servizos dun detective privado que seguiu os pasos do ancián, que conseguiu extraer "esputo en bastoncillos" nunha ocasión na que o señor cuspiu no solo. A extracción bastou para enviar a muesta ao laboratorio Citogen, en Zaragoza, onde corroboraron o parentesco de avó e neto. 

Demostrados os lazos polo ADN de ambos polas "análises covenientes" aceptados polo xuíz, a sentenza, "con todo os efectos xurídicos inherentes", permite a este ourensán a inscrición da filiación no Rexistro Civil do Carballiño e acceder á herdanza millonaria que o seu defunto pai deixou en México, ademais de condenar ao demandado a asumir as costas do proceso xudicial. Xa o di o refraneiro: "Si ao ceo cospes, na cara cáeche".