Os veciños de Valdeorras, co servizo de auga cortada, poden abastecer no Polígono Industrial A Raña

O Consorcio de Augas de Valdeorras instalou unha fonte no Polígono Industrial A Raña e outra na parroquia de Viloira para que os veciños poidan ir encher as súas botellas con auga potable "con todas as garantías" e facer así fronte ás restricións de auga.
 

Unha medida que, explicou o alcalde do Barco de Valdeorras, Aurentino Alonso, foi proposta polo consorcio e pretende abastecer a quen queira utilizalas, sexa da comarca ou fóra dela. Aínda que, incidindo, naqueles concellos onde hai escaseza de auga potable.

De maneira complementaria, o Concello da Rúa reparte auga embotellada -- doada pola UME, Cruz Vermella e outros grupos empresariais -- para que todos os veciños teñan acceso a ela. Tal e como trasladou a alcaldesa María González a Europa Press centralizouse a entrega na antiga estación de tren.
 

En palabras de González, a repartición realízase porque "moito material dos incendios" depositouse nas zonas de captación de auga, polo que "hai que facer analíticas unha vez acabe o fume para saber se se pode consumir".

"Hai que tomalo con calma, foi unha catástrofe importantísima e ten as súas consecuencias", subliña.